11-ՐԴ ՄԱՅԻՍՅԱՆ ՀԱՎԱՔ
ԱՄՓՈՓՈՒՄ - ԳՐԱԿԱՆՈՒԹՅՈՒՆ
Մեր ծրագրերից ինձ ամենահոգեհարազատն էր
«Վահան Տերյան» նախագիծը, քանի որ նա իմ սիրելի բանաստեղծներից մեկն է: Ամենահաջողված
աշխատանքներս եմ համարում Տերյանի «Մթնշաղի անուրջներ», «Գիշեր և հուշեր» և «Ոսկի հեքիաթ»
ժողովածուների վերլուծությունները, ինչպես նաև Թումանյանի «Անկեղծ չենք», «Դառնացած ժողովուրդ» և «Ձևն ու հոգին» հոդվածների վերլուծությունները, Չարենցի «Տաղարան» ժողովածուի
վերլուծությունը և «Լուսաբաց» շարադրությունը: Կարծում եմ, բավականին արդյունավետ ու
հետաքրքիր են վերլուծական աշխատանքները, քանի որ դրանց միջոցով նախ պարտադիր պետք է
ծանոթանալ նյութին՝ ընթերցել բնօրինակը, իսկ հետո արդեն հնարավորություն է ընձեռվում
արտահայտել անձնական վերաբերմունքն ու կարծիքը
տվյալ ստեղծագործության մասին:
Կուզենայի գերակշռեն այն դասերը, որոնք ուղեկցվում
են տարբեր միջոցառումներով, ճամփորդություններով ու նախագծերով: Հուսով եմ, որ առաջիկայում
կշարունակվի մեր ու մեր սիրելի ուսուցչի համատեղ հետաքրքիր ու բովանդակալից աշխատանքը՝
բացահայտելով ու ճանաչելով հայ գրականության նորանոր արժեքներն ու նմուշները:
No comments:
Post a Comment